Gripen gard og rurale tidsreiser

Litt om Gripen.Garden Gripen er ein gard på 475 da, og ligg midt på Holsnøy, heilt for seg sjølv, ved padlarparadiset Storavatnet.

Her ser me ingen naboar, har berre kjerreveg fram til husa og difor ingen trafikk. Garden er under oppbygging etter å ha lege brakk i lengre tid. Alle bygningar på garden er fra 17- og 1800-talet. Her er lemstove (typisk vestlandshus), eldhus frå 1500-talet, smie og vognskjul i eitt, to naust og vassdriven sag. Løa var dessverre rasa saman då eg overtok, så eg måtte rive. No har det reist seg ei ny stor grindløe på murane.Løa er ganske lik løa som sto der, men eg har klart å presse einn ein ekstra etasje. Dyresom i kjellar, og høystår og verkstad på loftet, med festlokale, kjøken og baderom i mellomatasjen. Elles får eg vøle husa etter kvart som eg får tid og råd.

Då eg kom til garden i 2011, og garden hadde då lege brakk i ca 20 år, og hadde omlag 70 års etterslep. Eg sette igang å rydde og restaurere jordbruksareala. For meg var det viktigaste å få garden i drift. Eg kjøpte sauer og høns med ein gong, og eg har no ei flott og rasetypisk stamme av gamalnorsk sau. Eg sel livdyr, og driv med vêrutleige. Eg lagar og fenalår, pinnekjøt osv. Gripen gard er ein heilt spesiell stad, ligg i enden av ein blindveg, og midt i villmarka. Garden har eit autentisk kulturmiljø med flotte bøar, steingardar, bakkemurar, og mange eldre bygningar, ( smie, eldhus, sag, lemstove mm) som no er restaurert. Eg er med i WWOOF, (http://www.wwoofnorway.org/ søk på Gripen gard) og er vert for folk som kjem for kulturutveksling ved å bidra og lære for kost og losji. Dette har eg svært positiv erfaring med, og dei som er her står pår forunderleg hardt, og er veldig nøgde likevel. Slik finansierte eg den nye store løa: Eg fekk 1 million kroner i støtte frå Innovasjon Noreg til den nye løa. Eg fekk 1 million i lån frå Sogn sparebank, den gong Aurland sparebank. Resten var eigenkapital, eg freda mellom anna den verneverdige skogen min, og fekk kompensajon for det.

Litt om verten; Helene Olli (woodcreaturemama) Eg har alltid vore svært energisk, og likar å ha prosjekter. Eg gjer det meste sjøl, anten det er å byggje nytt kjøken, setje opp gjerder, reparere og restaurere, eller sy bunad. Eg får stort sett til det eg vil, for å seie det enkelt, og eg vil mykje... Eg er utdanna sivilarkitekt, og har jobba som det i mange år. Etter kvart vart det alt for kjedeleg og stillesitjande for meg, så eg "hoppa av" og byrja som handverkar. Eg starta den lille antikvariske verkstaden Altmuligoteren. Så bestemte eg meg for å finne eit levebrød heime på garden. Så då gjorde eg det. I tillegg til meg har eg alle wwoofarane mine, og kompanjongen min Kristine. Me finn på mykje rart og har det frykteleg artig.

Kva skjer på Gripen gard:

Berekraftig turisme:

1.Glamping: Overnattingar og feriar utanom det vanlege. I små minihus, liknande sheperds hut, kan me tilby koseleg og spesiell overnatting, i tillegg til ferie på ein autentisk gard med 1950-talsdrift. Eg har fleire båtar som gjestene kan bruke. Det er berre villmark kring garden så langt du ser, og det er lett å få fisk i vatnet.

Systova/Crafters nest. Superkoseleg lite hus, ala cheperds hut, med lita dobbelseng (120x200) og vedkomfyr. Her kan de lage mat på vedfyrt omn. Det er eit gasbluss i tillegg, og høve til å låne kokeplater. Dette fiksar me etter korleis de vil ha det, når de kjem. Det er eit lite komposttoalett i hytta. Ekstra ved kan hentast på garden.

Skrivestova/Writers nest Koseleg minihus med lita dobbeltseng, 140x200, og to ekstra madrassar i tilfelle det trengs. Det er to rom i huset, og komposttoalett ute, men under same tak, så ein kan gå på sokkelesten. Det er ei mengd bøker i hyllene, for regndagar eller kalde kveldar. Det er muleg å lage mat i hytta, men det er pr no ingen steikomn. Vatn i kran utanføre husveggen. Det er ein liten lun og solrik terasse med bålfat rett utanføre inngangsdøra. Ekstra ved kan hentast på garden.

Roseholmen; (“All inclusive aude øy”)) På Roseholmen har me sett opp ein stor pvc-lavvo. Roseholmen er ein liten fin holme i Storevatnet. Det er tregolv i lavvoen. Lavvoen er koseleg innreidd, med skikkelege kvalitetsting og vedomn. Det er soveposar og tepper, litt ekstra kle, spel, sager, økser, og mykje anna utstyr i lavvoen. Alt frå antikke kister og kelimar, til vedfyrt vaffeljarn. Ute er det bålplass. Eg leiger ut med båt, fiskegarn og flytevester. Møbleringa i lavvoen er slik at alle kan lage det til slik dei vil ha det, lage sitt eige reir. Ofte er det ingen andre ute ikring lavvoen eller på vatnet, og du kan nyte kjensla av å vere åleine i verda. Det er likevel tilfeldigvis mobildekning der ute. Svært enkelt toalett eit stykke unna lavvoen.

Kurs:I tillegg til gardsdrift og overnatting er Gripen ein stad for kurs, events og opplevingar. Me held relativt speielle kurs, slik at folk av og til vil kome langveis for å delta. Det kan vere ulike kurs i ulikt tradisjonelt handverk, sjølvberging, korleis overleve i villmarka, utval av material i skogen, lafting, grindbyggjing, dyrestell, økologisk hagebruk, ølbryggjing, steinmuring, bunadssaum, brikkevev, kunsten å vere småbrukar, osv osv. Det er berre å følgje med på www.gripengard.no.

Gripakletten naturvernområde: Mesteparten av skogen i Gripen er freda. Skogen er gamal urskog, kystfuruskog og arktisk regnskog. Det er ei oppleving og gå mellom dei gamle kjempane i skogen. Det er ikkje lov å slå leir i den freda delen av skogen, eller fjerne mose eller greiner, men de kan plukke sopp og bær. På hausen har me guida soppturar.

Ny løe. Ny stor grindløe vart ferdig i desember 2023. Det er eit sort grindbygg med sju grinder i to etasjar over steinmura kjellaretasje. Mesteparten av materiala er teken ut frå eigen skog, og saga her på garden. ( ikkje frå den freda delen, sjølvsagt). Byggjinga av løa har vore eit eventyr, men det har vore ein del mørke kapittel. Først fekk me ikkje byrja som planlagt, pga korona, og så har det gått slag i slag, fleire av dei ganske harde, men no står løa der, stor og fin og ferdig, og det er ei fryd.

Sirkulærøkonomi i praksis.:I alle prosjekt brukar eg så mykje brukte materialar og innreiing som muleg. Alle dører og vindauge i løa er brukte før, all takstein, alle møblar, kjøkeninnreiingar, vaskar, blandebatteri, toaletter mm er brukt ein annan stad før. Det same gjeld alle hytter, bustadhuset og alt som er på Rosenholmen. Då eg bygde garasje til traktoren med bruktmaterial-lager på hemsen, var det kun sutaket eg kjøpte nytt. Sjølv om sirkulærøkonomi i praksis, eller ekte sirkulærøkonomi er krevjande, særleg med omsyn til timing og lagerplass, men det er fullstendig muleg.

Events og gardsbesøk. For ikkje alt for store grupper (opp til 30 om me skal vere inne) er det mykje artig å gjere, og garden ligg midt i eit herleg turområde, med skog, fjell og fiskevatn.

I Gripavika har me bygd danseplatting og utedo. Gripavika ei fantastisk perle her i Gripen. Gripaelva, som er gyte-elv for aure, renn ut her over den store grassletta i vika. Det er bålplass for stort bål og grillplassar i tillegg. Her kan det haldast store festar som jonsokfest, og det er muleg å ha små konsertar der nede. Det er og muleg å campe i Gripavika.

Les mer