Store Ringheim Hotell & Restaurant

Velkomen heim til Store Ringheim hotell & restaurant på Voss, staden for dei gode opplevingane! Her møter du ei anna verd, hus med sjel, rustikke tømmerveggar, fine detaljar og ei heilt spesiell atmosfære. I vakre omgjevnader i eit gamalt gardstun, omlag 1,4 km frå Voss sentrum på vegen mot Mølstertunet, finn du Store Ringheim. Vertskapet er niande generasjon på garden der det har vore drive jordbruk i over 2000 år. Dagens eigarar har stått for ein møysommelig konvertering frå landbruk til hotell- og restaurandrift i det gamle gardstunet. I to av dei gamle bygningane på garden er det i dag 15 unike og komfortable hotellrom med ei moderne "touch". I den gamle løa (låven) ligg resepsjon med ein liten bar, Restaurant Flor'n, lounge, samt lokale for selskap og møter/konferanse. Eit opphald på Store Ringheim er eit fantastisk utgangspunkt både for dei aktivitetssøkande og kulturreisande, i ei atmosfære prega av ro og harmoni. Her bur du komfortabelt og blir servert autentisk kvalitetsmat - alt med ei imøtekomande og personlig service. Hjå oss skal kvar enkelt gjest føla seg som heime. Voss, midt i fjord Norge, er den perfekte base for ditt Vestlandsopphald. Aktivitetsbygda Voss har og mange opplevingar å by på året rundt, enten du søkjer naturens ro, aktivitetar av det meir ekstreme slaget eller musikk & kultur.

Boutiquehotell

Store Ringheim hotell er eit lite boutiquehotell med atmosfære, omkransa av høge fjell i kombinasjon med komfort og stil. I dei gamle rustikke bygningane finn du 15 unike og komfortable rom med ein moderne touch, fordelt på Gardshuset og Reiskapshuset.

I eit tilsynelatande grått og slite gardshus har me 6 unike og historiske hotellrom. I det gamle gardshuset frå 1860 er tømra er synleg og romma har namn etter det dei vart kalla før i tida. ”Eldhuset”, den gamle årestova frå 1600-talet, er det mest spesielle rommet, - og perfekt for eit romantisk opphald. Her har mange generasjonar levd sine liv i glede og sorg, så her sit mykje historie i veggane.

Det gamle Reiskapshuset frå 1980-talet, vart bygd om og teke i bruk som hotell vinteren 2017. Her har me 9 moderne rom i ein god storleik, alle innreia i same stil som resten av hotellet. Hjå oss skal du kjenna deg som heime, og me synes det er upersonleg at eit hotellrom berre har eit nummer. Difor har alle romma i Reiskapshuset namn etter fjella ikring oss her på Voss.

Gjennom Store Ringheim Apartment har me og 5 leiligheter med sjølvhushald for utleige. Desse er eit supplement til dei 15 hotellromma våre på Store Ringheim. Villa Solberg i Voss sentrum har 3 store leiligheter, medan Villa Hjadlane rett nedom Store Ringheim har 2 store leiligheter. Desse kan bestillast via eigen link på vår heimeside.

Restaurant Flor`n, med smaken av Voss!

I den gamle løa på Store Ringheim finn du Restaurant Flor'n. Ein moderne à la carte restaurant med eit rustikt preg og ei heilt spesiell atmosfære. I Flor'n byr me på jordnære og rustikke måltid, laga av det beste av sesongens lokale og ureiste råvarer. Menyen er ikkje stor, men me har alltid eit utval av både kjøt & fisk - og sjølvsagt gode dessertar som prikken over i'en. Bærekraftig mat, frå åker til bord, er ein viktig del av vår matfilosofi. På garden har me eigen jorbæråker, grønsaksåker, bærbuskar, ein stor kjøkkenhage med både blomar & urter, samt eit drivhus. Me likar oss ute i naturen - der me sjølve sankar urter, sopp og bær som me brukar i maten vår. På garden lagar me og ein god del tradisjonelle kjøtprodukt sjølve, basert på og utvikla frå gamle oppskrifter.

Opningstider sommarsesong:

Mandag - søndag, kl. 17.00 - 23.00 (kjøkkenet stenger for nye bestillingar kl. 21.00). Bordbestilling.

Opningstider haust/vinter/vår:

Onsdag - lørdag, kl. 17.00 - 23.00 (kjøkkenet stenger for nye bestillingar kl. 21.00). Bordbestilling.

Gardsmat & bærekraftig mat, frå åker til bord

Me er opptekne av bærekraft mat og lokal kortreist mat. På garden foredlar me kjøt og lagar mange produkt sjølve, basert på og utvikla frå gamle oppskrifter. På garden dyrkar me ein del grønsaker sjølve, me har eigen jorbæråker, grønsaksåker, bærbuskar og ein stor kjøkkenhage med både blomar & urter. Ute i naturen sankar me sopp, urter og bær. Mykje av det du finn på frukostbordet og i våre smakfulle rettar i restauranten, kjem frå vår eigen gardsmatproduksjon. Det me ikkje lagar eller sankar sjølve, kjem frå dyktige lokale produsentar som leverer den gode kvaliteten som me ynskjer å ha.

Selskapslokale, møter, kurs & konferanse

Unike lokale som byr på den perfekte råma for å feira ulike livshendingar eller gode samlingar. Me har lokale i ulike storleikar som høver til alt frå små intime selskap til større arrangement; Smalaflor'n, Flor'n, Tømmerstova og hagestova ute på terrassen. På Store Ringheim kan du og leiga heile anlegget for ditt arrangement.

Les mer

Kontaktperson	Svein Ringheim
Adresse	Mølstervegen 44 5705 Voss
Telefon	95406135
Mobiltelefon	95406135
Lengdegrad	6.428819
Breddegrad	60.636612

Utforsk

Bedriftslister

Kart

Opplevelsesruter

Hva skjer?

Nyheter

Gavekort

Last ned vår app

For medlemmer

Store Ringheim Hotell & Restaurant

Boutiquehotell

Restaurant Flor`n, med smaken av Voss!

Gardsmat & bærekraftig mat, frå åker til bord

Selskapslokale, møter, kurs & konferanse

Utforsk

Bedriftslister

Kart

Opplevelsesruter

Hva skjer?

Nyheter

Prosjekter og priser

Kvalitet og kompetanse

Få nyhetsbrev

Om HANEN

Ledige stillinger

For medlemmer

Våre hovedpartnere

HANEN