Stolte Anton AS

Stolte Anton AS lagar reine, smaksrike produkt av lokal frukt, bær og grønsaker delvis henta frå eigen hage. Vi held til i Eidsdal på Sunnmøre, nærare bestemt i Nerigarden på Veiberg ved inngangen til verdsarvområdet og Geiranger. Her finn du både produksjonslokale og gardsutsal, der du kan få kjøpt syltetøy, gelear, chutney, saft, hermetiske plomme og pære. Vi har også serveringslokale og møterom for inntil 25 personar. Her er også ein campingplass med overnattingsmulegheiter i hytter. Meir info om produkta finn du på heimesida vår, www.stolteanton.no.

Her kan du få kjøpt produkta våre:

I tillegg til eige utsal, er produkta våre til sals også andre stader, så som Skarbø Gard på Stranda, Joker i Stordal, Stolt Mat på Sjøholt, Smak i Lom, Avdemsbue på Lesja, Delicatessen Løvenvold i Ålesund, Sødahlhuset på Åndalsnes, Smaken av Landet på Nærbø i Rogaland og Litleré Mat på Nesttun i tillegg til ei rekkje coop butikkar som Bakar-Jon på Byrkjelo, Obs Moa i Ålesund, Mega i Ulsteinvik og Extra på Nordfjordeid, i Førde og Volda for å nemne nokre. Du kan også bestille varer med varetransport. Vi sender ut varer kvar tysdag morgon. Fraktfri levering ved bestilling av 40 glas eller meir. Bestill innan måndag kl 1200 til post@stolteanton.no eller mobil: 94162863.

Gjev liv til gamle hagar

Vi er stolte av å kunne nytte ressursane i nærmiljøet som elles hadde gått til spille, og slik gjev vi liv til gamle hagar. Av dei lokale råvarene lagar vi produkt etter tradisjonelle oppskrifter med reine smakar av frukt og bær. Men utover hausten lagar vi også krydra produkt som gjev dei gode julesmakane. Alle produkta er handlaga og heilt naturlege utan kunstige tilsetjingsstoff.

HISTORIA

Bedrifta vart etablert i 2018 og har sitt opphav i Poldgarden i Eidsdal på Sunnmøre. Anton Nydal var ein engasjert og dyktig gardbrukar i Poldgarden i Eidsdal på 1920-talet og framover mot 70-talet. Han var ein svært dyktig bonde, og bær, frukt og grønsaksproduksjon var hovudinntektskjelda. Etter hans tid gjekk det gradvis nedover med gardsdrifta, og frukthagen har ikkje vore stelt på ein generasjon. Mange av trea har gått ut, men nokre står framleis og gjev avling. Initiativtakarane til Stolte Anton AS, Per Ove Nydal og Margreta Veiberg, er begge borneborn av Anton Nydal. Gradvis utvikla dei ideen om å gjere frukta i den gamle hagen til ein ressurs. Det har også vist seg at i bygda Eidsdal, inngangen til verdsarvområdet, er fleire gamle, ubrukte hagar. Dei gjev no grunnlag for fleire av produkta - og akkurat det er ei stor glede. No har Kirsti Indreeide teke over bedrifta og vil føre tradisjonen vidare. Det blir m.a. nytta bær frå eigen hage i Nerigarden på Veiberg. Elles kjem mesteparten av råvarene frå andre hagar i Eidsdal og Norddal samt andre bygder i Fjord kommune.

Ein viktig del av filosofien er å ta i bruk unytta ressursar; plommer og eple frå tre som ikkje har vore hausta, rips og bringebær frå hagar som til dels ikkje har vore stelt.

Les mer

Adresse	Veiberg 31 6215 Eidsdal
Telefon	90667656
Lengdegrad	7.155127
Breddegrad	62.237187

Utforsk

Bedriftslister

Kart

Opplevelsesruter

Hva skjer?

Nyheter

Gavekort

Last ned vår app

For medlemmer

Stolte Anton AS

Utforsk

Bedriftslister

Kart

Opplevelsesruter

Hva skjer?

Nyheter

Prosjekter og priser

Kvalitet og kompetanse

Få nyhetsbrev

Om HANEN

Ledige stillinger

For medlemmer

Våre hovedpartnere

HANEN