Gardsbrenneriet

Gardshistoria

Gardsbrenneriet held til i Gloppen kommune på solrike og lune Hauge på nordsida av Gloppefjorden i Nordfjord. På garden er det ypparlege vekstvilkår for frukt, bær og grønsaker. Det er tradisjon for fruktdyrking på garden heilt tilbake til 1800-talet. I tillegg har det vore grønsaksproduksjon samt planteoppal av krydder- og grønsaksplantar for sal på garden sidan 1930-talet.

Dagens Gardsdrift

Per i dag blir det dyrka økologiske eple og rabarbra på garden i større skala. Vi har ein eplehage på nærare 4000 tre fordelt på ca. 20 eplesortar. Vi valde å pode epletrea sjølv. På den måten kunne vi lage tre av mange gamle lokale og historiske eplesortar som det ikkje er mogleg å kjøpe ferdigpoda tre av.

Økologisk marknadshage – Måneskinshagen

Vi bygger no opp Måneskinshagen – ein kombinert krydder- og grønsakhage som skal fokusere på dyrking av vekstar til bruk i Gardsbrenneriet sine drikkevarer. Vi dyrkar i aukande grad krydderurter både på friland og i drivtunell. Per i dag er største krydderproduksjonen dill til akevittdestillata våre.

Økologisk planteoppal

Sidan 1930-talet har det vore oppal av grønsaksplantar på garden. Alle plantar som blir brukt ii Måneskinshagen alar vi opp sjølve frå frø eller formeirar frå plantemateriale. I dag har vi eit omfattande økologisk planteoppal med over 100 ulike slag grønsaks- og krydderslag.

I 2024 held vi på med ei ombygging på garden og har ikkje gardsturisme. Sjekk heimesida for oppdatert informasjon om kva vi tilbyr.

Les mer