Kyra kosar seg på stølen Fotograf: Björn Nylander
Nydeleg kveld på stølen Fotograf: Björn Nylander
Sygardens kyr på beite ved langstølen på Bygdin Fotograf: Björn Nylander
Mjølka kjølast og lagrast på tanken. Ein del brukar me til ysting og resten sel me til Tine. Fotograf: Erika Lystedt
Mjølking på Hålisstølen er ei nær-ku-oppleving! Björn påstår at han kan lukte forskjell på kyrne. Fotograf: Björn Nylander
Mange besøkande likar å kose med kyra. Det kan du gjerne, bare du tar det rolig! Har du hund så tilrår me at du ikkje tek han med inn blandt kyra. Fotograf: Björn Nylander
Ta gjerne kontakt med oss, kanskje passar det at du kan bli med på mjølking og bli betre kjend med oss og dyra. Fotograf: Björn Nylander
Me lagar mange forskjellige produkt av mjølka vår; smør. rømme, yoghurt og fleire typer ost Fotograf: Björn Nylander
Me har 15 kyr av den den opprinnelege, norske rasa vestlandsk fjordfe. Dette er Julia. Fotograf: Björn Nylander
Me mjølker kyra i stølsfjøset morgon og kveld. Elles er de ute på beite. Fotograf: Björn Nylander
Kyra har nett kome heim til kveldsmjølking. I bakgrunnen bygger me tillitsbutikken kor du kan kjøpe produkta våre. Fotograf: Bjørn Nylander
| Adresse | Hørevegen 42 2973 Ryfoss |
| Telefon | 46395551 |
| Lengdegrad | 8.793295 |
| Breddegrad | 61.330743 |
Sygarden i Hålien er ein liten mjølkegard i grenda Høre i kommuna Vang i Valdres. Om sommaren flyttar me dyra opp til Hålistølen ved Bygdin. Her kan du treffe oss og dyra og du kan kjøpe produkta våre smør, ost m.m. i tillitsbutikken vår.
Sygarden i Hålien er ein liten mjølkegard i grenda Høre i kommuna Vang i Valdres. Me har femten mjølkekyr av rasa vestlandsk fjordfe. Hjå oss går dyra ute året rundt og dei får palmeolje- og soyafritt kraftfôr i tillegg til lokalt hausta gras som rundball eller høy. Me har stort fokus på dyra sin naturlege åtferd og sosiale samvere difor me let kalvane gå i lag med kyrne dei to fyrste månadane.
Hålistølen, rett under Synshorn, har vore i kontinuerleg drift i mange hundre år. Stølen ligg attmed Valdresflya som er nasjonal turistveg over på 1100 moh. Her går kyrne fritt på beite i fjellet og kjem heim morgen og kveld for mjølking. Mjølka foredler me i ysteriet vårt eller sender til TINE. Mjølka som kyrne produserer på fjellbeite er vanvittig god, gul og fylt med helsefremjande feittsyrer grunna det unike artsmangfaldet på fjellet. Produkta frå denne mjølka er heilt unike og gir deg ei direkte smaksoppleving av utmarksbeitet.
På Sygarden har me bygd eit ysteri kor me foredler mjølka vår til ulike mjølkeprodukt. Steikeost er kundane sin favoritt men me har òg smør, rømme, salatost, ferskost, kvarg, ricotta og yoghurt. Produkta våre får du kjøpt i tillitsbutikkane våre ved garden eller på Hålistølen. Her betaler du enkelt med Vipps. Du kan òg ta kontakt med oss så planlegg me eit besøk kor du kan vere med i fjøset, kose med kalvar og sjå litt av kvardagen vår.
Finn ledige stillinger blant HANEN sine medlemmer.
Ledige stillinger Søk jobb+47 22 05 46 40 - post@hanen.no
Innholdet på disse sidene er beskyttet etter Åndsverksloven.
HANEN har ikke ansvar for innhold på eksterne nettsider som det lenkes til
eller innholdet på det enkelte medlemmets egen medlemsoppføring.
Tredjeparts lisenser.
Personvernserklæring.
© 2004 - 2024 HANEN
English
Deutsch
Norsk Økoturisme
