I løo åpner det nye økologiske bakeriet 01.juni 2024! Fotograf: Ranita Styve Aarvik
Otraneset ved Bjørnefjorden ligger på gardsbruket og her er det kjempefint å bade, fiske eller berre nyte utsikten. Fotograf: Ranita Styve Aarvik
Kystgeitene våre likar godt valsa korn og kan gjerne bli litt rampete om ikkje dei får mat med ein gong. Fotograf: Ranita Styve Aarvik
Me er oppteken av å lage mat i pakt med naturen. Difor kjøper me kun inn råvarar som er dyrka med omsyn til naturen. For å vere ein råvare dyrka i samspel med naturen er det utruleg viktig at det ikkje blir nytta sprøytemidlar eller kunstgjødsel. Planter blir robuste om dei får moglegheit til å bli det i levande og god jord! På gardsbruket vårt er me no i 2. karensår for å bli økologisk sertifisert hos Debio etter at me tok over i 2023. Me gler oss også over å kunne tilby økologisk og handlaga bakst frå det vesle økologiske bakeriet vårt i Løo! Fotograf: Vigdis Øvreeide
I stabburet kan ein finne mykje god lokalmat og vår eigenproduserte gardsmat.
Skillingsbollar eller kanelboller er ein favoritt blant mange!
Fjelltoppen Våganipen er ein fantastisk flott fottur her frå gardsbruket. Turen er litt meir krevende, men er ein fantastisk naturoppleving med nydeleg utsikt ut mot Bjørnefjorden og Nordsjøen! Det er mogleg å gå frå Svartavatnet på Baldersheim eller frå Gravplassen på Baldersheim. Alternativt kan ein gå opp til Heleknappen først og vidare til Våganipen og ta det som ein heildagstur. Og kanskje de vil ta eit lite fjellbad i Fagravatnet som ligg mellom dei to fjella. Begge alternativa er greitt merka heile vegen opp. På toppen får ein utsikt over heile Bjørnefjorden mot Austevoll, Stord og Fitar, deler av Hardangerfjorden og ein kan sjå bort i isbreen Folgefonna. Dersom ein skal gå opp og ned frå Svartavatnet tar turen totalt 5-7t avhengig av kor mange pausar og i kor god form du er i. Denne turen krever gode sko og ein bør ha med seg gode kle og nistepakke. Vær forberedt og ha med naudsynt turutstyr, så blir det ein uforglemmelig fottur å ta med seg heim i bagasjen! Fotograf: Ranita Styve Aarvik
I det vesle økologiske bakeriet og kafèen vår bakar me alt for hand i steinovnar. Her bakar me surdeigsbrød, kanelboller, mandelknutar pistasjknutar, croissanter, store kringler, scones, focaccia og mykje anna bakst som varierer litt etter årstid og ynskje frå kundane og bakaren sin inspirasjon. Baksten bakes med steinmalt økologisk mjøl frå gardar på austlandet. Her kan du også tinga frukost i samband med opphaldet ditt. Det nye bakeriet i Løo bygges vinteren/våren 2024 og åpner 01.juni. Bildet her er frå det forrige bakeriet som me bygga våren 2020. Fotograf: Ranita Styve Aarvik
I bakeriet helde me surdeigskurs og og andre bakekurs med jamne mellomrom.
Inne i Røykstova har tida stått stille sidan byrjinga av 1970talet.
Gamlastovo som står i klyngetunet med Stabburet, Skykkjo og Røykstovo restaureres vinteren/våren 2024 og er klar for utleige sommaren 2024!
Utsikt frå Våganipen mot Norheimsund og Hardangerfjorden som er ein fin tur å gå frå Aarvik.
Fru Aarvik bakar mange ulike slag surdeigsbrød og grovbrød med urkorn frå Holli Mølle. Fotograf: Vigdis Øvreeide
Klyngetunet Aarvik gard ved Bjørnefjorden bader i vår-solen.
Yddal Naturreservat er eitt av dei største og finaste furuskogområda i Vestland Fylke og heng saman med Geitknottane Naturreservat som strekk seg inn i Kvam og Kvinnherad. Bildet er frå fjelltoppen Horga. Fotograf: Erling Berge
| Adresse | Aarvik gard, Årvikvegen 35 5647 Baldersheim |
| Telefon | 92401099 |
| Lengdegrad | 5.760291 |
| Breddegrad | 60.13795 |
Aarvik gard ligg like ved sjøen ved Bjørnefjorden. Her kan dere overnatte i Gamlastovo frå 1820 eller oppe på Pikeloftet i Våningshuset. På gardsbruket har vi eit økologisk handtverksbakeri og kafè i løo der vi bakar mykje forskjellig søtbakst, brød og surdeigsbrød på urkorn, der alt blir bakt for hand. Me dyrkar grønnsakar, bær og frukt og har ein flokk med Kystgeiter og høns, så her er mogleg å få tak i ferske økologiske egg. Aarvik gård er eit levande eksempel på bærekraftig landbruk og ein unik moglegheit til å oppleve den vakre naturen og kystlivet ved Bjørnefjorden.
Me ynskjer at de som gjestar skal få oppleve korleis det er å vere på eit småbruk og leve i pakt med naturen. Me ynskjer at de skal få nyte roen og komme til dykk sjølv ved å bu på ein plass der tida går sakte og naturen omringer ein på alle kantar. Her får du sove godt på økologiske Sleep on Nature madrassar frå Coco-Mat og våkne til fuglekvitter, bølgebruset i Aarvika og sildringen frå Aarvik-elva. Og her får de nyte god og økologisk mat i kafèen med nybakte brød og boller frå det vesle bakeriet vårt.
Vår filosofi er å gi like mykje tilbake som me haustar frå naturen, og anerkjenne at me er ein del av naturen og naturens kretsløp og sesonger. Me meiner det er viktig å ta vare på og bygge opp jorda og ikkje utnytte ho av omsyn til naturen sjølv, men også framtidige generasjonar. Her dyrkar me mat utan å pløye jorda, og tar vare på det biologiske mangfaldet ved å ikkje nytta sprøytemidlar eller kunstgjødsel. Her hentar me tang frå fjæra, nyttar grasklipp og gjødsel frå dyra våre og nyttar vekstskifte for å unngå sjukdom på plantene våre.
På gardsbruket har me ein liten geiteflokk av den bevaringsverdige Kystgeita som hjelper oss med å halde kulturlandskapet, ein fin liten hønseflokk som bur ilag med Kystgeitene i Smålhuset her på bruket. Til våren kan me ynskje ein liten flokk med løpeender til gards også, som skal hjelpe oss med å halde kontroll på nokre små skadedyr i grønnsaksåkeren.
Om sommeren er det travelt på bruket, då er det høgsesong for det meste, både i bakeriet, kjøkenhagen og i tillegg er det viktig å tørke og ta inn gras slik at dyra har vinterfôr. De kan vere heldige å sjå oss slå gras med langorv og stuttorv (ljåslått) i dei bratte og typiske Vestlandske bakkane våre, og om de har lyst er det berre å vere med og hjelpe oss med slåtten, men det er høgst frivillig!
Me ynskjer dykk hjarteleg velkomne til å nyte den vakre plassen på småbruket vårt og me gler oss over å få dele vårt vesle paradis med dykk!
Hjarteleg velkomne til Aarvik gard
Alt godt,
Fru Aarvik og familien
Finn ledige stillinger blant HANEN sine medlemmer.
Ledige stillinger Søk jobb+47 22 05 46 40 - post@hanen.no
Innholdet på disse sidene er beskyttet etter Åndsverksloven.
HANEN har ikke ansvar for innhold på eksterne nettsider som det lenkes til
eller innholdet på det enkelte medlemmets egen medlemsoppføring.
Tredjeparts lisenser.
Personvernserklæring.
© 2004 - 2024 HANEN
English
Deutsch
Norsk Økoturisme
