Adresse | Linutvegen 2 3864 Rauland |
Telefon | 40290160 |
Lengdegrad | 8.070474 |
Breddegrad | 59.696233 |
Lega er eit ysteri og bakeri med kafe og butikkutsal på Rauland i Vinje kommune. Her får du tak i Lega sine produkt og andre lokalmatprodusentar sine. Lega ligg rett ved fine tur- og skiområde i sentrum. Kom innom på ein pizza og kaffe i kafeen vår!
Heilt sidan Gro i 1989 byrja som geitebonde har draumen vore å produsere eigen ost. Sommaren 2009 blei det bygd ystehus på støylen Nedre Lega. Her vart den fyrste osten produsera. Gro tok ulike kurs og vitja bønder i både inn- og utland for å lære korleis ein går fram for å produsere kvalitetsost. Våren 2010 stod også ystehus ferdig på garden Raundalen. Fleire ostar kom etter kvart i produksjon. Den ljose, milde bronosten og den vellagra kvite geitosten har fått fleire prisar opp gjennom åra.
Etter kvart blei det laga bakeriprodukt som mellom anna kling, mysebrau på myse frå osteproduksjonen og pizzabotnar stekt på takke som brauet.
I 2022 er produksjonen mangedobla og flytta til nytt produksjonslokale på Rauland i Vinje kommune. Vel møtt!