Nordbø gard & stule

Nordbø gard ligg oppi bakkane i Hjartdalsbygda, i ei solvendt li med god moldjord og med fin utsikt over bygda. Nordbø er ein av dei aller eldste gardane i Libøen, rydda i yngre jarnalder. Og var ei tid kyrkjegods og deretter krongods, før garden fekk sjølveigarar kring år 1700. Garden var tingstad for bygdetinget og lensmannsgard på 1600 talet. Og blei som så mange gardar dela i to (nedre og øvre). Nordbø er i dag ein husdyrgard med mjølkeproduksjon. Her kan du få servering av heimelaga tradisjonsmat midt i eit særleg verdifult kulturlandskap. Avstanden til høgfjellet er kort med gode moglegheiter for fiske, jakt og toppturar.aa

Stølane var i lang tid særdeles viktige for gardsbruka i Hjartdal, ikkje minst etter den store folkeauken på 1700 talet. No er det berre eit fåtal att. Ein av desse er Bjordal stule. Heimestølen ligg ca 8 km frå garden, ved elva Bjorå, som Bjordal nok har namnet sitt frå (elva der det var bjor/bever). Både på Bjordal og Nordbø er det bygt opp ysteri, som oppfyller dei strenge krava som Mattilsynet stiller når det gjeld matproduksjon.

I 2000 tok me opp att stølsdrifta. Sidan då har det vore full drift. Kvart år ved jonsoktid er det bufarshelg, då dreg folk og fe frå garden opp til stulen. Det er ein fin tur i flott skogsterreng.

SERVERING

Frå slutten av juni til august ynskjer me store og små velkomen til Bjordal stule. Du vil få ei matoppleving av setermat i eit tradisjonsrikt miljø. Her kan du få demonstrasjon av ysting og kinning, oppleve produksjon av mat på gamlemåten frå kyr som beiter fritt på urterike skogs- og fjellbeite. Og ikkje minst få smake både smør, rjome, knaost, fjellost og prim. Produkta er til sals. Og du kan få kjøpt både rjomegraut, kaffi og vaflar. Elles i året tilby vi servering på Nordbø gard. Både på setervollen på Bjordal og i Gildestogo på Nordbø gard kan vi servere inntil 30 personar.

PRODUKTA VÅR

• Brunost
• Fetost
• Gammalost
• Knaost
• Prim
• Smør
• Rjome
• Rjomegraut
• Flatbrød

  ---

VEGFORKLARING

Nordbø gard & stule ligg sentralt i Hjartdalsbygda - E134 ca 1,2 km frå Hjartdal kyrkje. Det er ca.150 km til Oslo, 40 km til Notodden, 20 km til Seljord og 50 km til Bø sommarland.

Les mer