Bjåen Fjellstove

Vår historie

I 1938 vart Bjåen Fjellstove sett opp på Bjåen, ein av dei høgstliggande gardane i Setesdal. Det store huset i sveitserstil vart flytta frå Tokke, der det var bygd i 1884. Då heitte det Hotell Børte og var eit av dei finaste hotella i området. Stokk for stokk var det tatt ned, og bygd opp att. Mykje av inventaret fylgde med, og står enno i huset. På Bjåen vart Fjellstova drive med fullpensjon fram til 1972, og mange jegerar, fjellvandrarar og gjennomreisande har overnatta her.

Me starta opp att med servering og overnatting på Bjåen Fjellstove i 2007. Gardsturismeprosjektet har me kalla ”Heimslege gleder og gamle draumar”, og me ynskjer å gje gode opplevingar i eit autentisk og ekte miljø. Me ynskjer også å formidle kunnskap om kulturen og naturen som har vore livsgrunnlaget her i fjellgardane i alle år.

Bjåen ligg på 900 m.o.h., der Setesdal austhei og vesthei møtest. Bjåen har alltid vore eit knutepunkt mellom aust-, vest- og sørland. Bjåen ligg midt mellom DNT sitt løypenett frå Haukelisæter og vidare til Tjørnbrotsbu.Terrenget er flott og lett tilgjengeleg for turar både sommar og vinter.

Det er mogleg å låne båt og fiske for overnattingsgjester.

Godkjent av Norsk økoturisme.

Les mer